న్యూస్4టుడే, 01 ఫిబ్రవరి 2026, అమరావతి :
ఏపీలో కూటమి ప్రభుత్వం భూముల రీసర్వే ప్రక్రియలో కీలక మార్పులు చేస్తూ కొత్త మార్గదర్శకాలను విడుదల చేసింది. ఇకపై భూయజమాని సమక్షంలోనే సర్వే నిర్వహించడం తప్పనిసరి చేస్తూ ఆదేశాలు జారీ చేసింది. భూమి యజమాని అందుబాటులో లేకుంటే సర్వేను వాయిదా వేస్తారు. రికార్డులను యజమాని ధ్రువీకరించిన తర్వాతే పాస్ పుస్తకాలు ముద్రిస్తారు. ప్రతి నెల 2 నుంచి 9వ తేదీల మధ్య ఈ పుస్తకాలను పంపిణీ చేయాలని రెవెన్యూ శాఖ సంబంధిత అధికారులకు ఆదేశించింది.
భూమి సర్వే ప్రక్రియలో పారదర్శకత ఉంటే రైతులకు ఎంతో ఉపయోగం. సర్వే నంబర్లు, సరిహద్దుల వివరాలు ఆన్లైన్లో ఇచ్చేస్తే గ్రామస్థాయిలో తగాదాలు తగ్గుతాయి. ప్రతి రైతుకు ఒక కాపీ ఇవ్వడం కూడా అవసరం.